Assalomu alaykum, men dasturchi Akobir Abduganiev bugungi sana 12-sentyabr 2022-yil. Hozirgi kunda East-Telecom kompaniyasida back-end dasturchi sifatida ish faoliyatimni olib bormoqdaman. Bilasizmi, men dasturchi sifatida faoliyat yuritayotgan bo'lsamda hali o'rganadigan bilimlarim juda ham ko'p, qanday qilib yangi bilimlarni samarali o'rganish hamda oldin bilganlarimni takrorlash yo'lini ancha qidirdim va oxiri o'zim uchun optimal yechim topdim. Aniqroq yoritadigan bo'lsam men bugundan o'zim o'rganyotganlarimni boshqalarga ham o'rgatish (kimgadir foydasi tegsa albatta) maqsadida maqolalar yozishni boshladim. InshaAlloh har birimiz uchun foydali bo'ladi. Men o'zim o'rganayotgan chet el manbalarini o'zbekchaga tarjima qilgan holda va o'z fikrlarimni ham bildirib borishga harakat qilaman. O'zbek tilida sifatli elektron manba tuzsam hamda kimdir shundan manfaatdor bo'lsa demak men oldimga qo'ygan kichik maqsadlarimdan biriga erishgan bo'laman.